KVENNABLAÐIÐ

Ben Affleck kominn með nýja kærustu

Ben Affleck, sem féll á áfengisbindindinu um helgina er kominn á fast með stúlkunni sem sést í hinu alræmda myndbandi. Hún er tónlistarkona og heitir Katie Cherry. Koma þessar fréttir eftir að Ben var sagður stunda stefnumótaappið Raya, en það ku vera fyrir ríka og fræga fólkið.

Auglýsing

Þau hafa verið á stefnumótum í nokkra mánuði, og hist nokkrum sinnum, en þau virtust láta vel að hvort öðru í hrekkjavökuteiti Unicef þar sem Ben datt í það. Sjónarvottur segir Ben hafa „þambað glæra drykki, annaðhvort vodka eða tekíla,“ og verið með hauskúpugrímuna á meðan. „Svo tók hann af sér grímuna og það var eiginlega verra. Það var greinilegt að gæinn var blindfullur.“

Katie
Katie
Auglýsing

Katie Cherry vinnur við að skapa tónlist í Los Angeles. Tara Reid kallaði Cherry „bestu vinkonu sína“ og er hún með marga fræga sem fylgja henni á Instagram.

Ár er síðan skilnaður Jennifer Garner og Bens gekk í gegn, en þau skildu að borði og sæng árið 2015. Þau eiga þrjú börn saman á aldrinum sjö – 13. Hún er „í uppnámi“ vegna fallsins, en „alltaf styðjandi Ben“ samkvæmt Us Weekly.

Ben á að hafa hitt sponsorinn sinn á sunnudaginn.