KVENNABLAÐIÐ

Leikarinn Ed Westwick hélt konu nauðugri í íbúð í tvo daga og nauðgaði henni ítrekað

„Mér var nauðgað af Ed Westwick — og ég vildi óska þess að það hefði ekki komið fyrir mig eða nokkra aðra. Einhver verður að draga hann til ábyrgðar fyrir það sem hann gerði mér.“ Þetta segir stílistinn Haley Freedman sem hefur kært Ed Westwick, fyrrum Gossip Girl stjörnuna sem hún kallar „ofbeldisfullan, klikkaðan alkóhólista“ og segir hann hafa brotið illilega á sér.

Auglýsing

Haley segir að Ed hafi nauðgað henni ítrekað meðan hann hélt henni nauðugri í íbúð sinni í tvo skelfilega daga: „Ég missti vinnuna því ég vildi segja frá því sem kom fyrir mig – og það er ekki í lagi,“ segir Haley í viðtali við Radar. „Það er ekki í lagi að nauðgunarfórnarlömb, hvort sem þau eru kvenkyns eða karlkyns, séu neydd til að þegja.“

Can I just stay here forever? 🌺

A post shared by Haley Camille (@haleycamille) on

Haley hafði nýlega flutt frá New York til Los Angeles í ágústmánuði 2014. Þar hitti hún leikarann á skemmtistaðnum 1Oak en þau voru bæði að skemmta sér: „Við enduðum á því að fara heim til hans þetta kvöld.“ Í fyrstu stunduðu þau kynlíf með samþykki beggja, en svo varð Ed „harðskeyttur og ofbeldisfullur,“ og skipaði henni að slá sig, þrengja að öndunarveginum og hrækja á hann.

Auglýsing

Haley neitaði en þá tók Ed „um hálsinn á henni, sló hana og þrengdi að öndunarvegi hennar án hennar vilja,“ segir í málsskjölum. Haley hélt áfram að neita kynlífi en því meira sem hún neitaði, því æstari varð hann og neyddi hana til kynmaka, aftur og aftur. Þegar hún „greinilega lét í ljós að hún vildi ekki frekara samneyti við hann og vildi fara, hunsaði Ed hana, fjarlægði föt hennar og hélt áfram að nauðga henni. Notaði hann ótta hennar og ógnanir til að halda henni hjá sér.“

Ed og núverandi kærasta
Ed og núverandi kærasta

Í tvo daga hélt þetta áfram og tók hann síma hennar og neitaði henni að fara í tölvuna þar til hann keyrði hana í bílinn sinn. Samkvæmt málsskjölum fór Haley til kvensjúkdómalæknis fimm dögum síðar og var „marin, blæðandi, rifin á kynfærum.“

Er Haley fjórða konan sem ásakar leikarann um kynferðislega árás eða nauðgun. Ed Westwick er þrítugur og frá Bretlandi.

Auglýsing

Ed hefur neitað þessum ásökunum en lögreglan í Los Angeles staðfestir að hann sé í rannsókn vegna kynferðisglæpa.

Haley vann með Ed og kærustunni hans fyrir myndatöku í september síðastliðnum og kallaði þau „uppáhalds“ á Twitter. Einnig póstaði hún á Instagram einnig en eyddi því þegar hún kærði Ed. Fjórum mánuðum fyrir kæruna póstaði hún YouTube myndbandi þar sem hún sagði að fyrrverandi kærasti hefði haldið henni gegn hennar vilja og meitt hana líkamlega.

Í marsmánuði þessa árs kærði Haley. Aðspurð af hverju hún hefði beðið í fjögur ár sagði hún: „Ég vildi ekki hefja feril minn í Los Angeles sem stílisti á því að kæra valdamikla og vinsæla stjörnu.“

Kristina Cohen kærði einnig leikarann og hvatti það Haley til að gera það sama: „Ég hafði upplýsingar og sönnunargögn gegn honum. Ég gat ekki bara setið og sagt ekkert lengur. Enginn heldur að Ed Westwick sé nauðgari því hann getur fengið hvaða konu sem hann vill. Nauðgun snýst ekki um kynlíf. Hún snýst um vald – og það er kominn tími til að hætta að verja nauðgarann og láta fórnarlambið sitja uppi með skömmina.“