KVENNABLAÐIÐ

Afbrýðisamur eiginmaður hjó af konu sinni báðar hendur eftir ásakanir um framhjáhald

Óhugnanlegt heimilisofbeldismál skekur nú Rússland, en afbrýðisamur eiginmaður hjó báðar hendur af eiginkonu sinni eftir að hann ásakaði hana um að standa í framhjáhaldi. Læknum tókst að bjarga annari hönd konunnar en gátu ekki bjargað hinni.

Dmitry Grachyov, 26 ára, réðist að konu sinni Margaritu með þessum ógeðfellda, miðaldalega hætti. Hann tók hana útí skóg og notaði exi til að höggva af henni fingurnar þar sem hann reyndi að kvelja hana til játningar. Konan neitaði þeim þannig hann réðist á hina höndina.

Auglýsing
Dmitry og Margarita
Dmitry og Margarita

Með báðar hendur alblóðugar keyrði Dmitry konu sína á spítala þar sem hann gaf sig fram við lögreglu. Margarita fór í afar flókna níu tíma aðgerð til að reyna að festa vinstri höndina á. Hægri höndin var of skemmd til að hægt væri að festa hana á, sögðu læknarnir.

Dmitry hefur setið í gæsluvarðhaldi frá því að atburðurinn gerðist, þann 11 desember síðastliðinn.

hend5

Hjónin höfðu verið gift í fimm ár og eiga tvo syni, þriggja og fimm ára. Vinir og ættingjar lýsa þeim sem „nánum og ástföngnum.“

Áður en hann réðist á hana heimtaði hann að hún færi í lygamæli, sem hún sagðist mundu gera, en það var ekki til neins.

Auglýsing

Margarita vann í markaðsmálum og var að undirbúa fegurðarsamkeppni nálægt Moskvu. Vinnufélagi hennar sagði: „Hún var alltaf mjög opin. Hún sagði mér að ekkert væri að.“ Aðrir vinir segja að hún hafi verið að undirbúa skilnað.

hend4

Margarita hafði áður kallað til lögreglu vegna ofbeldisfullrar hegðunar eiginmannsins, en lögreglan „talaði bara við hann.“ Fjölskylduvinur segir að Dmitry hafi sagt við hana: „Ég mun drepa þig. Ég sit í fangelsi gerist þess þörf.“

Auglýsing

hend3

Læknir sem tók þátt í aðgerðinni á höndum Margaritu sagði: „Þetta mál skók okkur öll. Meira að segja okkur. Venjuleg manneskja gerir ekki svona. Lét læknirinn fjölmiðlum myndir í hendur sem sýna í raun ekkert annað en blóðuga stöppu: „Ég verð að biðja ykkur að birta þetta ekki. Ég get varla sjálfur horft á þær. Skurðteymið vann ótrúlegan sigur að sauma hana saman, þrátt fyrir að þetta virtist ógerningur til að byrja með.“

Hæ!

Takk fyrir heimsóknina á sykur.is. Okkur þætti það alls ekki leiðinlegt ef þú myndir fylgja okkur á Facebook. Við erum ekki óþolandi þar. Í alvöru!