KVENNABLAÐIÐ

Fallhlífarstökkvari sendi konu sinni myndband áður en hann stökk og sagðist ekki ætla að toga í spottann

Fallhlífarstökkvari í sjálfsvígshugleiðingum sendi konu sinni myndband rétt áður en hann stökk og sagðist ekki ætla að toga í spottann sem opnar fallhlífina. Sendi hann myndbandið nokkrum sekúndum áður en hann hrapaði til dauða.

Capotorto Vitantonio hoppaði úr flugvél á fimmtudagsmorguninn síðasta um 10 leytið, augnabliki eftir að flugmaðurinn fékk áríðandi skilaboð frá jörðu niðri um að stöðva Capotorto.

Auglýsing

fall1

Kona hans, Constansa, hljóp inn í höfuðstöðvar fyrirtækisins á jörðu niðri og grátbað starfsfólk að láta þá vita sem voru með honum í fluginu. Gerðist þetta á vinsælum stað fallhlífarstökkvara, Skydive Deland í Flórída.

Myndbandið var á þá leið að Capotorto (27) sagði: „Ég ætla ekki að toga í spottann og ég er að fara á einhvern dásamlegan stað.“ (e. someplace wonderful)

Starfsmaðurinn náði strax sambandi við flugmanninn, samkvæmt lögregluskýrslu, en Capotorto hafði þá þegar stokkið út úr vélinni.

Lík hans fannst á akri og andlitið sneri niður.

Auglýsing

Caportorto var vanur fallhlífarstökkvari og hafði stokkið oftar en 600 sinnum.

Prestur var sendur til að færa eiginkonunni hin slæmu tíðindi.

fall4

Fallhlífarsamtök Bandaríkjanna (Skydive Deland er meðlimur) hafa sagt að 21 dauðsfall hafi átt sér stað árið 2016 af 3,2 milljónum stökkva. Forstjóri Skydive Deland segir við News Journal: „Við veitum viðskiptavinum örugga ferð upp í háloftin í sérútbúnum flugvélum. Þegar einstaklingurinn fer út úr vélinni er hann sjálfur ábyrgur fyrir því sem kann að gerast.“