KVENNABLAÐIÐ

Ástkona Ellenar myrt

Fyrrum ástkona spjallþáttastjórnandans Ellenar DeGeneres, Kat Perkoff var myrt af glæpasamtökum og líður Ellen enn illa vegna þess, 37 árum eftir dauða hennar. Kat var 22 ára og vann fyrir sér sem uppistandari og rak hún bar í New Orleans. Hún og Ellen hófu ástarsamband en Kat var einnig eiturlyfjasali. Nóttina 26. júní árið 1980 rifust þær á tónleikum sem bróðir Ellenar hélt og Kat endaði ein þetta kvöld. Keyrði hún á Mercedes bifreið sinni á tré og lést. Fjölskylda Kat og vinir telja samt að mafían hafi myrt hana: „Það var orðrómur í samfélaginu að hún hafi verið myrt,“ segir Ralph Whalen, aðstoðarsaksóknari í New Orleans.

Kat Perkoff
Kat Perkoff

Systir Kat, Rachel Perkoff hefur aldrei hætt að trúa á réttlætið: „Kat var flóttamaður, ljóðskáld og eiturlyfjasali….hún var fyrsta ást Ellenar,“ segir Rachel. „Opinber skýrsla um dauða hennar segir að Kat hafi dáið af völdum slyss. Orðrómurinn segir þó að mafían hafi verið á bakvið morðið og lögreglan hafa þaggað málið niður.“

Rachel segir Kat hafa verið lykilmanneskju í undirheimum lesbíumafíunnar í New Orleans sem innihélt meðlimi sem voru melludólgar, vændiskonur og spilltar löggur í franska hverfinu. Þegar Ellen hefur verið spurð um þetta örlagaríka kvöld segir hún að Kat hafi „verið að reyna að fá mig til að koma heim. Ég lét sem ég heyrði ekki í henni því tónlistin var svo há. Ég var bara…mjög kaldranaleg við hana.“

Ellen tók leigubíl eftir tónleikana og á leiðinni sá hún afleiðingarnar – bílslysið sem varð Kat að aldurtila: „Bíllinn var í tveimur pörtum og við heyrðum sírenur á eftir okkur. Enginn var kominn á staðinn og við bara héldum áfram.“ Það var ekki fyrr en daginn eftir að Ellen áttaði sig á að Kat hefði látið lífið í slysinu: „Þetta var algert reiðarslag í lífi mínu og ég hafði mikla sektarkennd,“ segir hún.