KVENNABLAÐIÐ

Lögregla fjarlægði konu af hárgreiðslustofu: Var óánægð með litinn

Ferð á hárgreiðslustofuna breyttist í martröð hjá móður nokkurri sem var ekki ánægð með þjónustuna. Nina Mather sem vinnur sem félagsráðgjafi í Sidney, Ástralíu fór með mynd af fallegu hári og vildi fá svokallaða balayage strípur þar sem þær eru eiginlega teiknaðar í hárið til að ná sem eðlilegustu lúkki. Vildi hún hafa dökkt í rótina en ljósara í endana.

aahar

Hún setti þessa mynd af sér á samfélagsmiðla þar sem hún bað fallega hárið sitt að hvíla í friði en lögregla var kölluð til þegar hún lét öllum illum látum og neitaði að borga fyrir litinn.

trash-1

„Elska þetta trailer trash lúkk! Borgaði 200 dollara (um 22.000 íslenskar) fyrir dollu af bleikiefni!“ segir hún bálreið og sýnir myndir af verkinu.

Auglýsing

Þegar Nina sá afraksturinn neitaði hún að borga: „Ég bað um balayage og sýndi þeim mynd og bjóst við að ganga út með þannig hár. Þegar þau sáu hvað ég var reið reyndu þau að setja meiri aflitunarstrípur og varð það þá enn verra. Ég fór í svo mikið uppnám að það þurfti að kalla til lögreglu og öryggisverði.“

Þessu var Nina að sækjast eftir...en útkoman var önnur
Þessu var Nina að sækjast eftir…en útkoman var önnur

Lögreglan sagði henni að greiða reikninginn en hún gæti leitað til Neytendasamtakanna til að athuga hver réttur hennar væri.