KVENNABLAÐIÐ

FERSKT! – Vatnsmelónu- og kókosvatn með dass af limesafa

Ferskt ávaxtavatn í kæli er undursamlegur svaladrykkur og vatnsmelónu-kókosvatn með kreistu af ferskum limesafa er alger dásemd. Ef gosdrykkirnir taka sinn skammt af buddunni og þú vilt efla heilsuna, er alveg frábært að leggja sykurinn á hilluna og laga þess í stað heilsudrykk fyrir alla fjölskylduna sem gælir við bragðlaukana og inniheldur gnægð bætiefna.

Auglýsing

Vatnsmelónu / Kókosvatn með dass af lime:

1 steinlaus vatnsmelóna (niðursneidd)

4 bollar vel kælt kókosvatn

2 msk af ferskum limesafa

watermelon-coconut-aqua-fresca

L E I Ð B E I N I N G A R:

Byrjið á því að skera vatnsmelónuna í litla bita og setja í blandarann. Athugið að sniðugt getur verið að kaupa heila vatnsmelónu; hreinsa steina úr ef vatnsmelónan er ekki steinlaus – og frysta melónubitana, sem svo fara beint í blandarann.

Þegar vatnsmelónan hefur verið vel maukuð í blandaranum, er best að sía vökvann gegnum ágætt sigti – í væna könnu og hræra kókosvatninu og limesafanum saman við. Allt aldinkjöt ætti að sía frá – frábært er að setja fáeina klaka í drykkjarkönnuna, geyma í ísskáp í klukkutíma og bera svo fram.

Auglýsing

Drykkurinn er dísætur og svalandi frá náttúrunnar hendi og gersneyddur aukaefnum!

Aðsent efni

aðsent efni

Hæ!

Takk fyrir heimsóknina á sykur.is. Okkur þætti það alls ekki leiðinlegt ef þú myndir fylgja okkur á Facebook. Við erum ekki óþolandi þar. Í alvöru!